Friday, December 29, 2006

കലേഷ് മീറ്റ് ചിത്രങ്ങള്‍..

നാളെ നാട്ടിലേക്ക് തിരിക്കുന്ന ബ്ലോഗ് രത്ന ശ്രീ. കലേഷിനും ഭാര്യ റീമക്കും ഇന്ന് രാവിലെ ഷാര്‍ജ്ജ ബുഹൈര കോര്‍ണിഷില്‍ വച്ചു കൊടുത്ത ‘ഓക്കെ, ട്ടാ.. ട്ടാ..‘ യുടെ ചില ചിത്രങ്ങള്‍...

വീണ്ടും ചില ചിത്രങ്ങള്‍, അനിലേട്ടനെടുത്തത്...

Saturday, December 16, 2006

ഇന്‍ഡോ-അറബ് സാംസ്കാരികമേള

അബുദാബി കേരള സോഷ്യല്‍ സെന്റര്‍, എമിറേറ്റ്സ്‌ റൈറ്റേഴ്സ്‌ യൂണിയന്റെയും ജി.സി.സി രാജ്യങ്ങളിലും യു.എ.ഇ.യിലുമുള്ള ഇതര സാംസ്കാരിക സംഘടനകളുടെയും സഹകരണത്തോടെ ഇന്‍ഡോ അറബ്‌ കള്‍ച്ചറല്‍ ഫെസ്റ്റ്‌ 2007 (ജനുവരി 11-17) സംഘടിപ്പിക്കുന്നു. അതിഥികളില്‍ അടൂര്‍ ഗോപാലകൃഷ്ണന്‍, സക്കറിയ, സാറാ ജോസഫ്‌, കെ.ജി.ശങ്കരപ്പിള്ള, മേതില്‍ രാധാകൃഷ്ണന്‍, ഇ.പി.രാജഗോപാലന്‍, എന്‍.ടി.ബാലചന്ദ്രന്‍, കരുണാകരന്‍, ശിഹാബുദ്ദീന്‍ പൊയ്ത്തുംകടവ്‌, ബെന്യാമിന്‍ എന്നിവരും ഉള്‍പ്പെടുന്നു. പരിപാടിയുടെ സുഗമനടത്തിപ്പിനായി രൂപീകരിച്ച സ്വാഗതസംഘത്തില്‍ മലയാളം ബ്ലോഗറായ സിദ്ധാര്‍ഥന്‍ വൈസ് ചെയര്‍മാന്റെ സ്ഥാനം വഹിക്കുന്നുണ്ടു്.

വിവിധ രാജ്യങ്ങളില്‍ നിന്നായി എഴുത്തുകാരും കലാകാരന്മാരുമായ നൂറോളം പ്രതിഭകളുടെ പങ്കാളിത്തം കൊണ്ട്‌ ഗള്‍ഫ്‌ സാംസ്കാരിക രംഗത്ത്‌ ദിശാമാറ്റം കുറിക്കുന്ന ഈ മഹത്തായ സംരംഭത്തിന്‌ എല്ലാ യൂയേയീ ബ്ലോഗന്മാരുടെയും സഹായസഹകരണങ്ങള്‍ അഭ്യര്‍ത്ഥിക്കുന്നു.

സാംസ്കാരികമേളയുടെ ഔദ്യോഗിക ഈവന്റ് ബ്ലോഗ് http://iacf.blogspot.com/ എന്ന വിലാസത്തില്‍ പ്രവര്‍ത്തനമാരംഭിച്ചിരിക്കുന്നു.

Sunday, December 03, 2006

തറവാട്ടിലെ ഈറ്റ് & മീറ്റ് - ചില ദൃശ്യങ്ങള്‍

ചിക്കന്‍ കറിയും നെയ്ച്ചോറുമാകാനായിട്ടായിരുന്നു നിയോഗം,
പക്ഷേ... ബിരിയാണിയാകാനായിരുന്നു വിധി.
അവിചാരിത കാരണങ്ങളാല്‍ ചിക്കന്‍ കറിയുണ്ടാക്കാമെന്നേറ്റ കുറുമാന്‍ വരാതിരുന്നപ്പോള്‍,
നെയ്ച്ചോറുണ്ടാക്കാം എന്നേറ്റിരുന്ന വല്യമ്മായി ഓഫീസില്‍ നിന്നെത്താന്‍ വൈകിയപ്പോള്‍,
അഗ്രജന് ബിരിയാണി പരീക്ഷണം നടത്താന്‍ ഒരവസം കിട്ടി.


മസിലുപിടുത്തമൊന്നുമല്ല,
10 പേര്‍ക്കുള്ള ബിരിയാണിയും അടിച്ചു കയറ്റി, ശ്വാസം വിടാനുള്ള തന്ത്രപ്പാടിലാ...


എങ്ങിനെ ‘സിംബുട്ടന്‍‘ (സ്ലിം ബ്യൂട്ടന്‍) ആകാം - ദേവേട്ടന്‍റെ ക്ലാസ്സ് :)


വല്യമ്മായി നിര്‍ദ്ദയം
പട്ടിക്ക് മുന്നിലൊറ്റക്കുപേക്ഷിച്ചോടിയ അനിയന്‍ ഫഹദ്


വാരിവലിച്ച് തിന്നതിന്‍റെ ബാക്കി പത്രം - ബിരിയാണിയൊന്ന് ദഹിപ്പിക്കാന്‍ പാടുപെടുന്ന സുല്‍.
തറവാടി - ഈ പടം അഗ്രജന്‍, ചെരിഞ്ഞ ചിത്രങ്ങളുടെ ആശാന്‍ ‘ആദി’ക്ക് സമര്‍പ്പിക്കുന്നു
തറവാട്ടിന് പുറത്ത് കാറ്റടിച്ചപ്പോള്‍ - കാറ്റിലാടുന്ന ദേവരാഗം - പിടിച്ചു നിറുത്തുന്ന സുല്‍

Friday, December 01, 2006

തറവാടു മീറ്റ്- ചില ചിത്രങ്ങള്‍


ഒരാള്‍ കൂടി വന്നിരുന്നെങ്കില്‍ നിലത്തിരിക്കേണ്ടി വന്നേനെ!
-----------------------------------------------


നിങ്ങള്‍ എന്തു മീറ്റെന്നു പറഞ്ഞാലും പഠിത്തം കളഞ്ഞിട്ടു കൂടാന്‍ ഞാനില്ല.
-------------------------------------------------


മീറ്റ്‌ അജെന്‍ഡ- ഐറ്റം # 2
-------------------------------------------------


ലാപ്‌ ടോപ്പെങ്ങാനും എടുക്കാന്‍ മറന്നെങ്കില്‍ ബാക്കി മീറ്റുകാരുടെ മുന്നില്‍ കൊച്ചായി പോയേനേ!
----------------------------------------------------


ബൂലോഗ ഫോട്ടോഗ്രഫി കോമ്പറ്റീഷന്‌ അയക്കാന്‍ വേണ്ടി ഒരു ക്രിക്കറ്റ്‌ മത്സരം ക്യാമറയില്‍ പകര്‍ത്താന്‍ ശ്രമിക്കുന്ന തറവാടി.
------------------------------------------------------

ചാടട്ടേ? എന്നെ പിടിച്ചോളുമോ?

Thursday, November 30, 2006

മീറ്റ് തറവാട്ടീല്‍

ബൂലോകരെ,

നമുക്കെല്ലാം ഒഴിവാണല്ലോ , രണ്ട് ദിവസം
എല്ലാവരേയും ഒന്ന്‌ കാണാന്‍ ഒരാഗ്രഹം.നമുക്കെല്ലാവറ്ക്കും തറവാട്ടില്‍ ഒന്ന്‌ കൂടിയാലോ?യാതൊരു ഔപചാരികതയുമില്ലാതെ.നാളെ എല്ലാവരും തറവാട്ടിലേക്ക് വരാന്‍ താത്‌പര്യപ്പെടുന്നു ,നമുക്ക്‌ വല്ല കടം കഥകളും മറ്റും പറഞ്ഞിരിക്കാമെന്നൈ.

പിന്നെ ഭക്ഷണക്കാര്യം.

അരി , ( കുത്തരി മുതല്‍ , ബിരിയാണി അരി മുതലായവ) , പഞ്ചസാര , ഉപ്പ്` , മുളക്‌ ചായപ്പൊടി , പാല്പ്പൊടി ,പാല്‍ , ഇറച്ചി , മീന്‍ , പഴവര്‍ഗങ്ങള്‍ , , പച്ചകറിസാധനങ്ങള്‍ , ബാക്കി പലചരക്ക്‌ സാധനങ്ങള്‍ , , വെള്ളം , അടുപ്പ് , ഗസ് ഇത്യാതി സാധനങ്ങള്‍ ആ പിന്നെ പാത്രങ്ങളും , അടുക്കളയിലുണ്ട് എല്ലാവര്‍ക്കും ഉണ്ടാക്കാം , കഴിക്കാം , ( എനിക്ക്‌ തരണേ!!!)

എല്ലാ "കുക്കര്‍" മാര്ക്കും സ്വാഗതം , അവര്ക്ക് പ്രത്യേക പരിഗണന നല്കുന്നതാണ്‌ .

വരിക എല്ലാവര്‍ക്കും സ്വാഗതം , യാതൊരു " ഫോര്‍മാലിറ്റ്യ്" യു മില്ലാതെ നിങ്ങള്‍ക്ക് നിങ്ങടെ തറവാട്ടിലേക്ക് സ്വാഗതം

എന്നെ 050-5090933 , വല്യമ്മായിയെ 050-5850117 , തറവാടില്‍ 04-8820231 നമ്പറുകളില്‍ ബന്ധപ്പെടാം.

Thursday, November 16, 2006

വല്യമ്മായിന്റെ കവിത.

ഇതു കണ്ടൊ ബൂലോകരെ,

വല്യമ്മായി കഷ്ടപ്പെട്ടവിടെ പചാന നിര്‍ത്തിപോയിടത്തുന്ന് കവിത ഗംബ്ലീറ്റാക്കാന്‍ പാടുപെടുന്നു. എന്നാ വല്യമ്മാമനോ, പൂച്ചക്കെന്താ പൊന്നുരുക്കുന്നോട്ത്ത് കാര്യം എന്ന മട്ടാ!. ഏതായാലും കവിത കലക്കി ട്ടൊ അമ്മായി.

ഇവിടെ ഞെക്കു കവിത കേള്‍ക്കാം.

Wednesday, November 15, 2006

യു യെ ഇ മീറ്റിലെ ചില അസുലഭ നിമിഷങ്ങള്‍.

യു യെ ഇ രണ്ടാം മീറ്റ് എന്നെന്നും ഓര്‍ത്തിരിക്കാനുള്ള ഒത്തിരി നല്ല മുഹൂര്‍ത്തങ്ങളെ സമ്മാനിച്ച ഒരു പകല്‍. ചിരിച്ചും കളിച്ചും പരിചയപ്പെട്ടും പരിചയം പുതുക്കിയും കടന്ന് പോയ നവംബര്‍ പത്ത്. ഈ ഒത്തുചേരലിന് വഴിയൊരുക്കിയ ബൂലോഗര്‍ക്കും വിശിഷ്യാ കലേഷേട്ടനും ഹൃദയം നിറഞ്ഞ നന്ദി. കൂടെ എന്റെ മൊബയ്‌ലില്‍ പതിഞ്ഞ് ഏതാനും അസുലഭ മുഹൂര്‍ത്തങ്ങള്‍. ചിത്രങ്ങളുടെ കുറവുകള്‍ക്ക് ഞാനും എന്റെ മൊബൈലും മാത്രം ഉത്തരവാദി.

ചിത്രങ്ങള്‍ക്ക് ബൂലോഗ കൂട്ടായ്മയുടെ സ്വാതന്തൃം വെച്ച് ഞാന്‍ അടിക്കുറിപ്പ് നല്‍കുന്നു. അതിന് ഹാസ്യത്തിനപ്പുറം ഒരു പ്രാധ്യാന്യവും നല്‍കരുത് എന്ന് അഭ്യര്‍ത്ഥനയോടെ ഇത് ഇവിടെ പോസ്റ്റുന്നു.

ഇവിടെ ക്ലിക്കൂ

മീറ്റ് പടങ്ങള്‍-3

ഉം‌അല്‍കുവൈന്‍ - ബാരക്കുട മീറ്റിന്റെ ചില ക്ലാസ് പടങ്ങളെടുത്ത ഒരാളിന്റെ കെ.മറയും മറ്റൊരാളിന്റെ സീയെഫ്-2ഉം ഇനിയും കണ്ടെത്താനായിട്ടില്ല. തല്‍ക്കാലം ഇതൊക്കെ നോക്കിനോക്കാം.














Monday, November 13, 2006

മീറ്റു പടങ്ങള്‍ : 2

ബാരക്കുട - ഒരു ദൃശ്യം.



ഞാന്‍ തിരിച്ചു ചെന്നിട്ടു വേണം കുവൈറ്റില്‍ ഇതു പോലൊന്നു സംഘടിപ്പിക്കാന്‍.




ദേവാങ്കണങ്ങള്‍ കയ്യൊഴിഞ്ഞ താരകം.ഗന്ധര്‍വന്‍.



അനിലേട്ടാ,ഛയാഗ്രഹണ യന്ത്രം നിലത്തിനു തിരശ്ചീനമായി പിടിക്കു.


എല്ലാവര്‍ക്കും സ്നേഹം വിതറിക്കൊടുത്ത് ക്ഷീണിച്ചു ഞാന്‍ - തറവാടിയുടെയും വല്യമമായിയുടേയും മകന്‍



കാട്ടിലെ മാനിന്റെ തോലു കൊണ്ടുണ്ടാക്കി കുറുമാന്‍ പണ്ടൊരു ചെണ്ട.
ശബ്ദ തരംഗങ്ങളേറ്റു ക്യാമറയുടെ കണ്ണു കൂടി മഞ്ഞളിച്ച ഒരു നിമിഷം.

Sunday, November 12, 2006

യു എ ഇ മീറ്റ് വീഡിയൊസ് & ഫോട്ടോ ഓഫ് ദ ഡെ :)

കുറുമഗുരുവിന്റെ ചെണ്ടമേളം
കൊട്ടൊക്കെ മിറുകിയപ്പോള്‍ ഞാനും അതില്‍ ലയിച്ചു വീഡിയോ റെക്കോര്‍ഡ് ചെയ്യാന്‍ മറന്നു

ചന്തുവിന്റെ പാട്ട്
പകുതിയേ എനിക്കു റെക്കോറ്ഡ് ചെയ്യാന്‍ പറ്റിയുള്ളൂ.
ബാക്കി ദാ ഇവിടെ കൈപള്ളി ചേട്ടന്റെ വീഡിയോ

നാറാണത്തുഭ്രാന്തന്‍ ...
ഗുമു ഗുമ്മാക്കി തുടങ്ങിയതാ .....
ആവേശം മൂത്താല്‍ എന്താ ചെയ്യാ...
(ഞാനും കൂടി ഉണ്ടായിരുന്നെങില്‍ ഒരു റോക്ക് ഷോ ആക്കേണ്ട സ്കോപ്പ് ഉണ്ടായിരുന്നു :) ഈ സമയം ആ 2ന്ഡ് മൈക്ക് എവിടായിരുന്നു?


മീറ്റേ നിനക്കായി ..കലേഷാഭിമാനി
കലേഷാഭിമാനി അഥവാ നമ്മുടെ അഭിമാനം :)
ചല്‍ ചല്‍ ചല്‍ മേരെ സാത്തീ.....
ഈ മീറ്റിനു പിറകില്‍ ഇങ്ങനെ എത്ര കാണാ കാഴ്ചകള്‍
ഹെ ദോസ്ത്തീ ഹം നഹി ചോടേഗേ....

കൂടപ്പിറപ്പുകളുടെ ട്രീറ്റ്
വരി വരിയായി നില്‍ക്കുക

പുഡ്ഡിങ്ങും പായസവും
മധുരമില്ലാതെങ്ങിനെയാ മീറ്റ് സ്വീറ്റാകുന്നേ?


More here http://www.flickr.com/photos/76561805@N00/






മീറ്റിന്റെ പടങ്ങള്‍ -


നമ്രശിരസ്കനായി ദേവരാഗം-പുറകില്‍ ദില്‍ബു.


സംഭവം നടന്ന സ്ഥലം.



യൂ എ ഈ ബ്ലോഗ്ഗെര്‍ഴ്സിന്റെ നഷ്ടം.ചന്തു ജഗന്നാഥ്.



ദില്‍ബു- കന്റുകള്‍ക്കുള്ള മറുപടി.




പരിചയപ്പെടുത്തല്‍ ആവശ്യമില്ലാത്ത ആള്‍-ഒരു പാവം കൊടകരക്കാരന്‍.


ഗ്രൂപ് ഫോട്ടോ - വലുതായിക്കാണാന്‍ പറ്റുമെങ്കില്‍ നിങ്ങളുടെ ഭാഗ്യം.

Saturday, November 11, 2006

നന്ദി!

മീറ്റ് കഴിഞ്ഞു.

ഇന്ന് പിന്മൊഴികളിലൂടെ ചര്‍ച്ച ചെയ്ത വിഷയം അല്ലാതെ തന്നെ എന്റെ മനസ്സില്‍ ചില വിഷമങ്ങളൊക്കെയുണ്ടായിരുന്നു. ചിലരോടൊക്കെ ഞാനത് ഇന്നലെ തന്നെ ഫോണിലൂടെ സൂചിപ്പിക്കുകയും ചെയ്തിരുന്നു. ഇനി അതൊന്നും ഒരു ചര്‍ച്ചയ്ക്ക് ഞാന്‍ വിധേയമാക്കുന്നില്ല. വന്ന എല്ലാവര്‍ക്കും പ്രത്യേകം പ്രത്യേകം നന്ദി. തെറ്റുകുറ്റങ്ങള്‍ ഒക്കെ പൊറുക്കുക - എല്ലാ തെറ്റുകളും എന്റേത് മാത്രമാണ്. എല്ലാരും ക്ഷമിക്കുക.

മീറ്റിന്റെ വിജയത്തിനു വേണ്ടി വളരെ നിശബ്ദമായി ഓരോ കാര്യങ്ങള്‍ ചെയ്ത ആളുകളോട് ഞാന്‍ പ്രത്യേകം നന്ദി പറയട്ടെ.

അതുല്‍ ശര്‍മ്മ & അതുല്യ ശര്‍മ്മ - അതുല്യ ചേച്ചിയുടെ ശര്‍മ്മാജിക്ക് പ്രത്യേകം നന്ദി! മലയാളി അല്ലാതിരുന്നിട്ടും ഞങ്ങടെ കൂട്ടത്തില്‍ എത്ര മനോഹരമായി ബ്ലെന്‍ഡ് ചെയ്തു! അതുല്യ ചേച്ചിയുടെ കുടുംബത്തിലെ ഏറ്റവും പ്രധാനപ്പെട്ട ഒരു ഇവന്റ് ആയിരുന്നിട്ടു കൂടി ചേച്ചിയെ വരാന്‍ അനുവദിച്ചതിലും, ഒപ്പം വന്നതിനും, ഗെയിംസ് ഓര്‍ഗനൈസ് ചെയ്ത് ഞങ്ങളെയൊക്കെ രസിപ്പിച്ചതിനും, മനോഹരങ്ങളായ മൊമെന്റോകളും സമ്മാനങ്ങളും എല്ലാവര്‍ക്കും വാങ്ങിക്കൊടുത്തതിനും എല്ലാവരുടെയും പേരില്‍ ഞാന്‍ നന്ദി പറയുന്നു.

അലിയു & രഹ്ന - തറവാടിയും വല്യാന്റിയും. രണ്ടുപേരും മീറ്റിന്റെ വിജയത്തിനു വേണ്ടി ഒരുപാട് പ്രയത്നിച്ചു. രാജീവിനെ അബുദാബിയില്‍ നിന്ന് രാജീവിനെ തലേദിവസം പിക്ക് ചെയ്ത് വീട്ടില്‍ താമസിപ്പിച്ചു. സകുടുംബ സമേതം പറഞ്ഞ സമയത്ത് തന്നെ കൃത്യമായി എത്തി. അവസാനം വരെ പങ്കെടുത്തു. ഒരുപാട് സന്തോഷം തോന്നി.

ദില്‌ബാസുരന്‍ - ദിലീപ് ഒരു മൂലയില്‍ ഒഴിഞ്ഞിരുന്ന് ഇന്റര്‍നെറ്റ് പ്രചരിച്ചുതുടങ്ങിയ സമയത്തെ സ്പീഡിലുള്ള ഒരു ഡയലപ്പ് കണക്ഷനുമായി മല്ലിട്ട് ലൈവ് അപ്‌ഡേറ്റുകള്‍ നല്‍കുകയും പടങ്ങളും മറ്റും പോസ്റ്റ് ചെയ്യുകയും ചെയ്തു. ദിലീപ്, എനിക്ക് നിന്നെ കെട്ടിപ്പിടിച്ച് ഒരുമ്മ തരണമെന്നുണ്ടായിരുന്നു. സാധിച്ചില്ല.

വിശ്വേട്ടന്‍ - കുവൈറ്റില്‍ നിന്ന് മീറ്റിനായിട്ടെത്തിയതിന്.

ദേവേട്ടന്‍ - പൊന്നാട മേടിച്ചതിനും പിന്നെ വേറെ ഒരു കാര്യത്തിനും കൂടെ.

സജീവ് ഭായ് - പൊന്നാട മേടിച്ചതിനും, സ്റ്റേജില്‍ കയറിയിട്ട് 1-2 വട്ടം സന്തോഷപൂര്‍വ്വം ഇറങ്ങിയതിനും (അതിന് എന്നോട് പൊറുക്കൂ)

ചന്തുവിന്റെ ഭാര്യ (പേര് മറന്നു - ക്ഷമിക്കൂ) - വളരെയേറെ തിരക്കായിട്ടും ചന്തുവിനെ സ്പേര്‍ ചെയ്തതിനും, കൈക്കുഞ്ഞിനെയും കൊണ്ട് വന്നതിനും

ആരിഫ് - ആരെയും ബുദ്ധിമുട്ടിക്കാതെ ബഹളങ്ങളൊന്നുമുണ്ടാക്കാതെ നീറ്റാ‍യിട്ടും ഡീസന്റായിട്ടും ഖജാന്‍‌ജിപ്പണി ചെയ്തതിന്.

സിമി ഫ്രാന്‍സിസ് - ബ്ലോഗറല്ലാതിരുന്നിട്ടും ക്ഷണം സ്വീകരിച്ചിവിടെ വരികയും വിക്കീപീഡിയയെക്കുറിച്ച് സംസാരിച്ചതിനും. (രാജിനും ടാങ്ക്സ്)

ശ്രീജിത്ത്, കുമാര്‍ ഭായ് - നാട്ടീന്ന് ലൈവ് അപ്ഡേറ്റ്സിന് വേണ്ട ടെക്ക്നിക്കല്‍ സപ്പോര്‍ട്ട് ദില്‍ബുവിന് കൊടുത്തതിന്.

എഫ് & ബി / എഞ്ചിനീയറിംഗ് / ഹൌസ്കീപ്പിംഗ് ടീം - ബാ‍രക്കുട റിസോര്‍ട്ട് - പ്രത്യേകിച്ച് ഷെഫ് ഫിലിപ്പിന് - നല്ല അവിയലും ബീഫുമൊക്കെ ഉണ്ടാക്കിയതിനു്.

നന്ദി ഇനിയും ഒരുപാട് പേരോട് പറയാനുണ്ട്. കുഞ്ഞുങ്ങളുമായ് മീറ്റിനെത്തിയ അമ്മമാര്‍ക്ക് പ്രത്യേകം ഞാന്‍ നന്ദി പറയുന്നു. ലോകത്തിന്റെ പല ഭാഗങ്ങളിലിരുന്ന് കമന്റ് ചെയ്തും ഫോണ്‍ വിളിച്ചും ഞങ്ങളോടൊപ്പം സന്തോഷം പങ്കുവച്ചവരോട് പ്രത്യേകം നന്ദി!

പിന്നെ പങ്കെടുത്ത നിങ്ങളോരോരുത്തര്‍ക്കും എന്റെ പ്രത്യേകം പ്രത്യേകം നന്ദി!

യു ഏ ഇ മീറ്റ് ചിത്രങ്ങള്‍







ഞാന്‍ എടുത്ത പടങള്‍


തറവാടി എടുത്തത്

അനില്‍ എടുത്തത്

Sunday, November 05, 2006

രണ്ടാം ഇമറാത്ത് ബൂലോഗ സംഗമം

(അധവാ കലേഷിന്റെ മകളുടെ കല്യാണം)

jokes apart, ഞാനിന്നലെയും ഇന്നുമായി യു.ഏ.ഈയിലുള്ള ഒരുമാതിരി എല്ലാ മലയാളി ബ്ലോഗറുമ്മാരേയും ഫോണില്‍ വിളിച്ചു. ഞാന്‍ വിളിക്കാത്തവരായിട്ടാ‍രേലും ഉണ്ടെങ്കില്‍ ആ നമ്പരുകള്‍ എന്റെ കൈയ്യില്‍ ഇല്ലാഞ്ഞാണ്. ദയവായി ഞാന്‍ വിളിക്കാത്തവര്‍ എന്നെ 050-3095964ലോട്ട് ഒന്ന് വിളിക്കാമോ?

ഇന്നലെ എല്ലാരോടും സംസാരിച്ചത് പ്രകാരം ഉള്ള കണക്ക് ഇങ്ങനെയാണ് :
1 അനിലേട്ടന്‍/സുധേച്ചി : 2 + 2 കുഞ്ഞുങ്ങള്‍
2 ആരിഫ് ബ്രഹ്മംകുളം : 1
3 ഇബ്രാഹിം മുഹമ്മദ് : 1
4 കലേഷ് കുമാര്‍ എസ്.ജി :2
5 ഗോപാലകൃഷ്ണന്‍ : 1
6 ജോഷി : 1
7 ദിലീപ് : 1
8 ദേവേട്ടന്‍ : 1
9 നദീര്‍.വി.കെ : 1
10 നിഷാദ് ചേട്ടായി : 2 + 1 കുഞ്ഞ്
11 മണിയേട്ടന്‍ : 2
12 രാഗേഷേട്ടന്‍ : 1
13 രാജീവ് : 1
14 രാജ് നായര്‍ : 1
15 രാമേട്ടന്‍ : 1
16 വിനോദ് മേനോന്‍ : 2 + 2 കുഞ്ഞുങ്ങള്‍
17 ശാന്തി ശര്‍മ്മ : 2 + 1 കുഞ്ഞ്
18 ഷെനിന്‍ : 1
19 സജീവ് എടത്താടന്‍ : 2
20 സമീഹ് : 2 + 2 കുഞ്ഞുങ്ങള്‍
21 ബാബു ചേട്ടന്‍ : 2 + 2 കുഞ്ഞുങ്ങള്‍
22 മുസ്തഫ മുഹമ്മദ് : 2 + 1 കുഞ്ഞ്
23 അഭിലാഷ് നായര്‍ : 2 + 1 കുഞ്ഞ്
24 അലിയു ചേട്ടന്‍ /രഹനേച്ചി : 2 +‌2 കുഞ്ഞുങ്ങള്‍
25 അബ്ദുള്ള വല്ലപ്പുഴ : 1
26 തൌഫീക്ക് പാറമ്മല്‍ : 2
27 പ്രശാന്ത് : 2
28 ധര്‍മ്മജന്‍ പട്ടേരി : 1
29 റഷീദ് : 1
30 സാലിഹ് : 1
31 ചന്തൂസ് : 3
32 സക്കീന വക്കീല്‍ : 2
33 വില്‍‌സണ്‍/മേരി : 2
-------------------------------------------------
ആകെ 51 + 13 കുഞ്ഞുങ്ങളും

പിന്നെ, നമ്മുടെ വിശിഷ്ടാതിഥിയായ പ്രിയപ്പെട്ട സാക്ഷാല്‍ വിശ്വേട്ടനും. അങ്ങനെ 52 പേരും 13 കുഞ്ഞുങ്ങളും.

പൊതുജനാഭിപ്രായം മാനിച്ച് നോര്‍ത്തിന്ത്യന്‍ ഡിഷസൊക്കെ മാറ്റി മെന്യു ഒന്ന് മലയാളീകരിച്ചു.
അതിങ്ങനെയാണ് :

സ്വീറ്റ് കോണ്‍ വെജിറ്റബിള്‍ സൂപ്പ് / ടൊമാറ്റോ സൂപ്പ്
ടോസ്‌ഡ് സലാഡ്, ചിക്കന്‍ അച്ചാറി സലാഡ്
ചിക്കന്‍ മലബാറി
കേരള സ്റ്റൈല്‍ ബീഫ് ചില്ലി ഫ്രൈ
വെജിറ്റബിള്‍ കുറുമ
അവിയല്‍
ക്യാബേജ് തോരന്‍
വെജിറ്റബിള്‍ ബിരിയാണി, നാന്‍-റൊട്ടി, റൈത്ത, പിക്കിള്‍സ്, പാപ്പഡ്‌സ്.
ട്രൈഫിള്‍ പുഡ്ഡിംഗ്
പായസം


35 ദിറഹംസ് ഒരാള്‍ക്ക് ചിലവ് (കുട്ടികള്‍ക്ക് ഫ്രീ‍)

മെന്യുവില്‍ മാറ്റം വരുത്തണമെങ്കില്‍ ഇന്ന് തന്നെ പറയണം. എല്ലാവരുടെയും അഭിപ്രായങ്ങളും / നിര്‍ദ്ദേശങ്ങളും വേണം. മെന്യൂ ഫൈനലൈസ് ചെയ്യണം. എല്ലാവരും എത്രയും പെട്ടന്ന് അഭിപ്രായങ്ങളറിയിക്കണേ പ്ലീസ്...
അബുദാബിയില്‍ നിന്നും വരുന്നവര്‍ക്ക് ബ്രേക്ക്ഫാസ്റ്റ് കൊടുക്കാമെന്ന് രഹ്ന ചേച്ചീടെ ഓഫറുണ്ട്.

സെമിനാറെന്ന് ഒക്കെ കേട്ടപ്പോള്‍ പലര്‍ക്കും ഇതൊരു വളരെ ഫോര്‍മലായ ഒരു ഗെറ്റ് റ്റുഗദറാ‍ണോന്ന് സംശയം തോന്നി. മീറ്റെന്ന് പറയുന്നത് -നമ്മളെല്ലാരും ഒത്തു കൂടുന്നൊരു വളരെ അണ്‍ഒഫിഷ്യലായുള്ള ഒരു സംഭവമല്ലേ? ചന്തു സ്റ്റേജ് ഹാന്‍ഡില്‍ ചെയ്യും. ചന്തൂന്റെ മിമിക്രി, ചന്തൂന്റെ പാട്ട്, രാഗേഷേട്ടന്റെ ചെണ്ടകൊട്ട്, വിശാലന്റെയും രാഗേഷേട്ടന്റെയും നാടന്‍പാട്ട്, കുഴൂ‍ര്‍ വില്‍‌സന്റെ കവിത ചൊല്ലല്‍ + ചൊല്‍ക്കാഴ്ച്ച, കണ്ണനുണ്ണിമാരുടെ കവിത ചൊല്ലല്‍, ആച്ചുവിന്റെയും പച്ചാനക്കുട്ടീടെയും കവിത ചൊല്ലല്‍, അതുല്യ ചേച്ചീടെ ക്വിസ്/തംബോല/ഗെയിംസ് - ഇതൊക്കെ തന്നെ പരിപാടികള്‍. ഇതിനിടയ്ക്ക് നിഷാദിന്റെയും (വിഷയങ്ങള്‍ - വെബ് 2.0, വിക്കീ മീഡിയ), രാജിന്റെയും (വിഷയം - ലിനക്സ്), ഇബ്രുവിന്റെയും (വിഷയം - കണ്‍സ്ട്രക്ഷന്‍/റിയല്‍ എസ്റ്റേറ്റ്) വളരെ അണ്‍ ഒഫിഷ്യലായിട്ടുള്ള സെമിനാര്‍, എന്നിവയും ഉച്ചഭക്ഷണവും ഉണ്ടാകും. അത്രേയുള്ളു.

രാജ് എന്തോ സര്‍പ്രൈസ് പരിപാടി ഒക്കെ പ്ലാന്‍ ചെയ്യുന്നുണ്ടെന്ന് എന്നോട് പറഞ്ഞിരുന്നു - അതും കാണും. പിന്നെ, കഴിഞ്ഞ മീറ്റിന് ഇല്ലാതിരുന്നവര്‍ കുറച്ചുപേര്‍ ഈ മീറ്റിനുണ്ടാകുമെന്നുള്ളതുകൊണ്ട് “ഐസ് ബ്രേക്കിംഗ് “ ഒന്നൂടെ വേണ്ടിവരില്ലേ? (പൊട്ടിച്ചതിന്റെ ബാക്കി ഐസ് നമ്മ “ബ്ലോഗാഭിമാനി” ടീമിന് പാഴ്സല്‍ ചെയ്യാം!) അഭിപ്രായം ഇരുമ്പുലക്കയല്ല. ഇവിടെ സമ്പൂര്‍ണ്ണ ജനാ‍ധിപത്യമാണ്. പരിപാടികളെക്കുറിച്ചുള്ള അഭിപ്രായങ്ങള്‍/നിര്‍ദ്ദേശങ്ങള്‍ - എല്ലാം സ്വാഗതം ചെയ്യുന്നു.

ഇവിടെ തൊട്ട് അടുത്ത് തന്നെ പള്ളിയുണ്ട്. വെള്ളിയാഴ്ച്ച ജുമാ മുടങ്ങുമെന്നാരും വിഷമിക്കണ്ട. രാവിലെ ഒരു 9 മണിയോടെ എല്ലാവരും എത്തണമെന്ന് താല്പര്യപ്പെടുന്നു. വൈകിട്ട് 5 മണിക്ക് എനിക്ക് ഹാള്‍ തിരികെ ഏല്‍പ്പിക്കണം. അതു വരെ സമയമുണ്ട്.

അതുപോലെ ചന്തൂനുള്ള നമ്മുടെ യാത്രയയപ്പ് കൂടിയാണീ സംഗമം. സെമിനാര്‍ വച്ചതെന്തിനെന്ന് ചോദിച്ചാല്‍, വെബ് 2.0 / വിക്കീ മീഡിയ / ലിനക്സ് , ഇവിടുത്തെ കണ്‍സ്ട്രക്ഷന്‍/റിയല്‍ എസ്റ്റേറ്റ് രംഗങ്ങള്‍ എന്നൊക്കെ പറയുന്നത്, നമ്മളറിയാതെ തന്നെ നമ്മുടെ നിത്യ ജീവിതത്തിന്റെ ഭാഗമായി മാറിയ സംഭവങ്ങളാണ്. അവയെക്കുറിച്ച് എല്ലാവര്‍ക്കും അറിയില്ല. വളരെ രസകരമായ രീതിയില്‍ നിഷാദും രാജും ഇബ്രുവുമൊക്കെ ഈ വിഷയങ്ങള്‍ അവതരിപ്പിക്കും.നമ്മുടെയിടയില്‍ അറിവും വിജ്ഞാനവുമുള്ളവര്‍ അത് മറ്റുള്ളവരുമായി പങ്ക് വയ്ക്കുന്നതിലെന്താ തെറ്റ്? വെറുതേ ഇവിടെ വന്ന് ഭക്ഷണോം കഴിച്ചിട്ട് പോകുന്നതില്‍ അര്‍ത്ഥമില്ലല്ലോന്ന് കരുതിയാ സെമിനാറുകള്‍ വയ്ക്കുന്നത്. മസിലു പെരുക്കാനും കോര്‍പ്പറേറ്റ് ജാട കാണിക്കാനുമല്ല. (കുറുമി ചേച്ചിയുമായി ഞാന്‍ സംസാരിച്ചിരുന്നു. സെമിനാര്‍ കാരണമല്ല, ചേച്ചിക്ക് യാത്ര ചെയ്യാന്‍ ആരോഗ്യം അനുവദിക്കാത്തത് കൊണ്ട് മാത്രമാ ചേച്ചി വരാത്തതെന്ന് എന്നോട് പറഞ്ഞു.)

ഒരുമാതിരി എല്ലാവര്‍ക്കും പരസ്പരം അറിയാം. ബുദ്ധിയുള്ളവരൊരുപാടുണ്ട് - ബൂജിജാട കാണിക്കുന്നവരെയൊന്നും ഞാനിതുവരെ കണ്ടില്ല. എല്ലാവരും സാധാരണക്കാരല്ലേ? :)എന്നെ വിശ്വസിക്കൂ - ഒരുപാട് ഫണ്‍ മൊമന്റ്സ് ഉള്ള ശരിക്കും എന്റര്‍ടെയിനിംഗ് ആയ ഒരു പരിപാടിയായിരിക്കും നമ്മുടെ സ്നേഹ സംഗമം.

ഈ പോസ്റ്റിന് മുകളില്‍ പറഞ്ഞവരാരും ഹാജര്‍ വയ്ക്കണ്ട. ഹാജര്‌ വച്ച് ഹാജര് വച്ച് പലരുടെയും വിരല് തേഞ്ഞു. മുകളില്‍ എഴുതിയ ലിസ്റ്റില്‍ പെടാത്ത യു.ഏ.ഈയില്‍ ഉള്ളവര്‍ ആരേലും ഉണ്ടെങ്കില്‍ ദയവായി എന്നോട് ക്ഷമിക്കണം. എന്നെ വിളിക്കണം.
മീറ്റിന് തീര്‍ച്ഛയായും വരണം.

റൂട്ട് മാപ്പ് ദാ ഇവിടെ നിന്ന് പി.ഡി.എഫ് ആയി ഡൌണ്‍ലോഡ് ചെയ്യാം. അതല്ല ആര്‍ക്കേലും ഫാക്സ് ആയി ഞാനയച്ചു തരണമെങ്കില്‍ ഞാനയച്ചുതരാം - എന്നെ വിളിക്കൂ.

ക്യാമറ (സ്റ്റില്ലും വീഡിയോയും) ഉള്ളവര്‍ കൊണ്ടുവരണമെന്ന് അഭ്യര്‍ത്ഥിക്കുന്നു. നമ്മുടെ കൂടെയുള്ളവരായ കണ്ണൂസ് (പ്രസീദ്), സിദ്ധാര്‍ത്ഥന്‍ (സജിത്ത്), ജ്യോതിഷ്, കരീം മാഷ് എന്നിവര്‍ നാട്ടിലാണ്.അത്തിക്കുറിശ്ശി അന്ന് രാവിലെ നാട്ടില്‍ പോകും (അന്നത്തെ ദിവസം തന്നെ തിരഞ്ഞെടുത്തല്ലോ :( ) അവരെ എല്ലാവരും മിസ്സ് ചെയ്യും. കരീംഭായ് ഈ മീറ്റിന്റെ ഹോസ്റ്റ് ആയി നിന്ന് പ്രവര്‍ത്തിക്കേണ്ടിയിരുന്ന ആള്‍ ആണ്. കരിം ഭായ് ഇവിടെ തൊട്ടടുത്താണ് ജോലി ചെയ്യുന്നതും താമസിക്കുന്നതും. സിദ്ധാര്‍ത്ഥന്റെ ഒരുഗ്രന്‍ സെമിനാര്‍ മിസ്സാകുന്നതിലുള്ള വിഷമവും ഉണ്ട്!

ഒരു കാര്യം കൂടെ പറയാനുണ്ട്. ഒരിക്കലും ഇതൊരു വണ്‍-മാന്‍-ഷോ ആയി ആരും കരുതരുത്. നിങ്ങളെല്ലാവരും എന്റെകൂടെയുണ്ടന്ന വിശ്വാസത്തിലും ഉറപ്പിലുമാണ് ഞാനിതൊക്കെ കാട്ടികൂട്ടുന്നത്. കുറ്റങ്ങള്‍-കുറവുകള്‍-തെറ്റുകള്‍ - എല്ലാം എന്റേത് മാത്രമാണ്. എല്ലാം ക്ഷമിക്കുക.

ഒന്നാം മീറ്റ് നന്നായി നടന്നു. ഈ സ്നേഹസംഗമം അതിലും നന്നായിട്ട് ഒരു വന്‍ വിജയമാക്കി തീ‍ര്‍ക്കണമെന്ന് എല്ലാവരുടെയും പേരില്‍ യു.ഏ.ഈയിലെ എല്ലാ മലയാളി ബ്ലോഗറുമ്മാരോടും ഞാന്‍ അഭ്യര്‍ത്ഥിക്കുന്നു.

Thursday, November 02, 2006

ഹാജര്‍ ബുക്ക് അഥവാ പോസ്റ്റ്

എല്ലാവരും ഹാജര്‍ വെച്ച് കൈയ്യ് തേഞ്ഞിരിക്കുകയാണ് എന്നറിയാം. എങ്കിലും ഇതാ ഒഫീഷ്യലായി ഹാജര്‍ രേഖപ്പെടുത്തുന്ന അവസരം ആഗതമായിരിക്കുന്നു. ഈ പോസ്റ്റിന്റെ മുകളില്‍ പോസ്റ്റുകള്‍ വന്നാലും ഹാജര്‍ വെക്കേണ്ടയിടം ഇതാണ്.

ഭക്ഷണം, ഇരിപ്പിടം മുതലായവ സംഘടിപ്പിക്കേണ്ടുന്നതിന് കൃത്യമായ എണ്ണം ആവശ്യമാണ്. മുതിര്‍ന്നവര്‍, കുട്ടികള്‍ എന്നിങ്ങനെ വേര്‍തിരിച്ച് എണ്ണം പറഞ്ഞാല്‍ സൌകര്യമായിരുന്നു. മീറ്റിന് രണ്ട് ദിവസം മുന്‍പെങ്കിലും ഫൈനലായ എണ്ണം കൊടുക്കണം എന്നതിനാല്‍ എല്ലാവരും സഹകരിക്കുമല്ലോ.

കമന്റ് ചെയ്യുന്ന ബ്ലോഗര്‍ ഉള്‍പ്പെടെ ആകെയെത്ര പേര്‍ വരുമെന്ന് മാത്രം അക്കങ്ങളില്‍ രേഖപ്പെടുത്തുക.

Monday, October 30, 2006

ചന്തു വിടവാങ്ങുകയാണ്.

ഇത് വളരെ പ്രാധാന്യമര്‍ഹിക്കുന്ന ഒരു സംഭവമായതിനാലാണ് പ്രത്യേകം ഒരു പോസ്റ്റായിട്ട് തന്നെ ഇതിട്ടത്.

ജി.സി.സിയിലുള്ള മലയാളികളില്‍ 1998 മുതല്‍ മലയാളം റേഡിയോ പ്രക്ഷേപണ രംഗത്ത് പ്രവര്‍ത്തിക്കുന്ന ചന്തു ജഗന്നാഥനെ അറിയാത്തവര്‍ വളരെ ചുരുക്കമായിരിക്കും. ചന്തു റേഡിയോ ഏഷ്യയോടും ഗള്‍ഫിനോടും വിടവാങ്ങുകയാണ് ഉടന്‍ തന്നെ. വളരെ വേദനാജനകമായ വാര്‍ത്തയാണെങ്കിലും ചന്തു ബൂലോഗത്ത് തന്നെയുണ്ടാകും.

ഗള്‍ഫില്‍ ഒതുങ്ങിപോകാനുള്ള ഒരു കലാകാരനല്ല ചന്തു. കലാരംഗത്ത് ഇനിയും ഉയരങ്ങള്‍ കീഴടക്കാനുള്ള ചന്തു കേരളത്തിലെ വളരെ വളരെ പ്രശസ്തമായ ഒരു സ്ഥാപനത്തിലാണ് ചേരുന്നത്.

നമ്മളിലൊരുവനായ ചന്തുവിന്റെ വിടവാങ്ങല്‍ നമ്മുക്ക് ആഘോഷിക്കണം. ഈ ബൂലോഗസംഗമം അതിനുള്ള വേദിയാകട്ടെ. ഇതൊരു മീഡിയ ഇവന്റ് കൂടിയാക്കണം. ചന്തുവിന് ബൂലോഗര്‍ കൊടുക്കുന്ന ഫെയര്‍‌വെല്‍ പാര്‍ട്ടി ആകട്ടെ നമ്മുടെ ബൂലോഗ സംഗമം.

ചന്തു കുടുംബസമേതം സംഗമത്തിനെത്തും. വേദി ചന്തു ഏറ്റെടുക്കും എന്ന് സസന്തോഷം അറിയിച്ചിട്ടുണ്ട്. ചന്തു അവതരിപ്പിച്ചിട്ടുള്ള പരിപാടികളില്‍ ഞാന്‍ പോയിട്ടുണ്ട്. സൂപ്പറായിരിക്കുമെന്ന് പ്രത്യേകം പറയേണ്ടതില്ലല്ലോ....

എങ്ങനെ വേണം/എന്ത് വേണമെന്ന് തീരുമാനിക്കണം.

Friday, October 27, 2006

യു ഏ യീ രണ്ടാം മീറ്റ്‌- കാര്യപരിപാടികള്‍?

രണ്ടു ദിവസം മുന്നേ കലേഷ്‌ വിളിച്ചിരുന്നു. കാര്യപരിപാടികള്‍ കാര്യമായിത്തന്നെ ഉണ്ടാകണം എന്ന് പുള്ളി കാര്യമായിത്തന്നെ പറഞ്ഞു.

എന്തൊക്കെയാണെന്ന് എല്ലാവരും ഒന്നു തയ്യാറാക്കിക്കേ.

ഇതാ ഒരു പരിപാടിയുടെ സര്‍പ്രൈസ്‌ ഞാന്‍ ഇപ്പോഴേ പൊട്ടിക്കുന്നു :-
Category- ഡിണ്ഡിമമങ്ക്യമിടയ്ക്കയുടുക്കുകള്‍...

(ഹലോ മൈക്ക്‌ ടെയിസ്റ്റിംഗ്‌ ഹലോ.) "അന്നേ ദിവസം ഭേരിഭൂഷണം കരാമ കുറുമാന്‍ അവര്‍കളുടെ ചെണ്ടമേളം ഉണ്ടായിരിക്കുന്നതാണ്‌."

(കൈമണിയടി ദിനവും ആപ്പീസില്‍ ചെയ്തു കൈ തെളിഞ്ഞ ആരെങ്കിലും ഉണ്ടെങ്കില്‍ മൂപ്പര്‍ക്കൊരു കൂട്ടായി ഇലത്താളം കൊട്ടാന്‍ വരുമോ?)

Tuesday, October 24, 2006

ഉമ്മല്‍കുവൈന്‍ മീറ്റ്

അതുല്യ ചേച്ചി ചോദിച്ചു:
# ഖജാന്‍ജി ആരാണു? എങ്ങനെയാണു ഫണ്ട്‌ സോഴ്സിങ്ങ്‌?
# ഫാമിലിയുള്ളവര്‍ എത്ര? കുട്ടികള്‍ എത്ര? ഗെയിംസിനുള്ള തയ്യാറെടുപ്പിനു ഇത്‌ സഹായകരമാവും.

അതിനൊരു കമന്റിടാന്‍ നോക്കീട്ട് പറ്റുന്നില്ല.

ഖജാന്‍‌ജി അല്ല. ഖജാന്‍‌ജികള്‍. നദീര്‍ ആണ് നമ്മ മുദീര്‍. കൂടെ ഇബ്രാനും ആരിഫും ഉണ്ടാകും. ദില്‍ബാനന്ദനും പട്ടേരിയും അവരുടെ കൂടെയുണ്ടാകണം. കഴിഞ്ഞ തവണ വളരെ ഭംഗിയായി അവര്‍ കാര്യങ്ങള്‍ നീക്കി - ഇത്തവണയും അവര്‍ തന്നെ അത് ചെയ്യും - വയ്യന്നൊന്നും പറയണ്ട ആരും.പരമാവധി 40-45 ദിറഹംസിനകത്ത് പെര്‍-ഹെഡ് കോസ്റ്റ് (സ്‌മാളിംഗ്സ് ഇല്ലാതെ) നിര്‍ത്താനാണ് ഞാന്‍ ശ്രമിക്കുന്നത്. ഈദിന്റെ തിരക്ക് കഴിഞ്ഞിട്ട് മെന്യൂ വര്‍ക്കൌട്ട് ചെയ്യാം. എത്രത്തോളം റേറ്റ് കുറയ്ക്കാമോ അത്രത്തോളം കുറയ്ക്കാന്‍ ശ്രമിക്കും.

മീറ്റിന് എത്ര പേര് വരും?എത്ര ഫാമിലിക്കാര്‍? എത്ര കുട്ടികള്‍? എത്ര ഗസ്റ്റുകള്‍ - എല്ലാവരും ദയവായി കമന്റുകളിട്ട് അതൊന്ന് കണ്‍ഫേം ചെയ്യണമെന്ന് അപേക്ഷിക്കുന്നു. എത്ര പേര്‍ക്ക് ഭക്ഷണം കരുതണം എന്ന് കൃത്യമായിട്ടറിയണം. കഴിഞ്ഞ തവണ ഓഡര്‍ ചെയ്തിട്ട് അത്രയും പേര്‍ എത്തിയില്ല. ഇത്തവണ അത് പറ്റില്ല, കൃത്യമായ കണക്ക് വേണം.

എന്തൊക്കെ പരിപാടികളാ സംഘടിപ്പിക്കാന്‍ പോണത്? അതുല്യ ചേച്ചി ഗെയിംസ് എല്ലാം പ്ലാന്‍ ചെയ്യട്ടെ. ഗെയിംസ് ആന്റ് മറ്റ് വറൈറ്റി എന്റര്‍ടെയിന്മെന്റ്സിന്റെ ചുമതല അതുല്യ ചേച്ചി ഏറ്റെടുക്കണമെന്ന് അപേക്ഷിക്കുന്നു. എന്തൊക്കെ വേണേലും പ്ലാന്‍ ചെയ്തോ! ഒരു ഹാള്‍ ഉണ്ട്. ഹാളിനകത്ത് ഒരു സ്റ്റേജുണ്ട്, പിന്നെ വയര്‍ലെസ്സ് മൈക്കും സൌണ്ട് സിസ്റ്റവും ഉണ്ട്. പിന്നെ പുറത്ത് ലഗൂണിന്റെ തീരത്ത് ഒരു ഓപ്പണെയര്‍ പുല്‍ത്തകിടിയുണ്ട്. അവിടെ വച്ച് ഓപ്പണെയര്‍ ഗെയിംസ് സംഘടിപ്പിക്കാം (ഉദാ, വടം വലി (വടം കൂടെ ആരേലുംകൊണ്ടുവരണം - വടയല്ല. വല്യാന്റി എന്ത് പറയുന്നു?) ) തംബോലയും മറ്റ് ആക്റ്റിവിറ്റീസും ഒക്കെ അതുല്യ ചേച്ചി പ്ലാന്‍ ചെയ്യൂ... മൈക്ക് ചേച്ചിയുടെ കൈയ്യില്‍ ഉണ്ടെങ്കില്‍ അതും കൊണ്ടു വരൂ...

രാമേട്ടന്‍ എന്തോ ഗാനമേളയുടെയോ പാട്ടിന്റെയോ ഒക്കെ കാര്യം പറഞ്ഞിരുന്നു. രാമേട്ടാ, അത് അറേഞ്ച് ചെയ്യുമോ?

കഴിഞ്ഞ തവണ പങ്കെടുക്കാത്ത, പുതിയതായി വരുന്നവര്‍ (അങ്ങനെ വേര്‍തിരിച്ച് കാണുകയൊന്നുമല്ല) അവരാല്‍ കഴിയുന്നതൊക്കെ ( പ്രസംഗം, ഗെയിംസ്, കലാപരിപാടികള്‍... ) അവതരിപ്പിക്കണം.

എന്തൊക്കെ പറ്റുമെന്ന് മുന്‍‌കൂട്ടി അറിയിക്കണം. കമന്റുകളായിട്ടിട്ടാ‍ല്‍ മതി. ഐസ് ബ്രേക്കിംഗ് ഒന്നൂടെ വേണ്ടി വരും. പുതിയ ആളുകള്‍ കുറച്ചു പേരുണ്ട്!

കഴിഞ്ഞതവണത്തെപ്പോലെ ഇടിവെട്ട് സെമിനാറുകളുമായി നിഷാദ് ചേട്ടായിയും സിദ്ധാര്‍ത്ഥനും ഉണ്ടാകും എന്ന് പ്രതീക്ഷിക്കുന്നു. സെമിനാറുകള്‍, അങ്ങനത്തെ മറ്റ് സംഗതികള്‍ - അവയുടെ ചുമതല രാജും പ്രസീദും ദേവേട്ടനും ഏല്‍ക്കണമെന്ന് അഭ്യര്‍ത്ഥിക്കുന്നു.

ദേവേട്ടന് ഗള്‍ഫുകാരുടെ ആരോഗ്യപ്രശ്നങ്ങളെക്കുറിച്ച് ഒരു ആരോഗ്യ സെമിനാര്‍ എടുത്തുകൂടേ? പറ്റില്ല്ലെന്ന് മാത്രം പറയരുത്. (വടം ചോദിച്ചപ്പം വടയുടെ കാ‍ര്യം പറഞ്ഞ ആളോടാ‍ണീ പറയുന്നതെന്നറിയാം.)

അതിമനോഹരമായി കവിത/നാടന്‍‌പാട്ട് ചൊല്ലുന്ന വിശാലനും രാഗേഷേട്ടനും ഇത്തവണയും ചൊല്ലണം. വില്‍‌സണ്‍ഭായിയും സൂപ്പറായി കവിത ചൊല്ലും. പുള്ളിക്കാരനും കവിത ചൊല്ലണം.

അതുപോലെ തന്നെ കണ്ണനുണ്ണിമാരുടെ കവിതാ പാരായണം - ഇത്തവണ അത് തീര്‍ച്ഛയായും വേണം. അനിലേട്ടന്‍/സുധേച്ചി നോട്ട് ദ പോയിന്റ്. കവിത പാരാ‍യണം, മിമിക്രി, പാട്ട്, ഡാന്‍സ്, മറ്റ് കലാപരിപാടികള്‍ എന്നിവ അവതരിപ്പിക്കാ‍ന്‍ കഴിവുള്ളവര്‍ മുന്നോട്ട് വരണം. അവയൊക്കെ വേണം. മീറ്റിംഗ് / കള്‍ച്ചറത്സ് എങ്ങനെ നടത്തണം എന്ന് കൃത്യമായ ഒരു അജണ്ട വേണം (കഴിഞ്ഞതവണ അതൊന്നും നടന്നില്ല)

മാധ്യമ കവറേജ് വേണോ വേണ്ടയോന്ന് തീരുമാനിക്കണം. അത് വേണമെങ്കില്‍ നന്നായിട്ട് പ്ലാന്‍ ചെയ്യണം. മീഡിയയോട് സംസാരിക്കാന്‍ അനിലേട്ടനെയും ദേവേട്ടനെയും ചുമതലപ്പെടുത്തണം. ഹാന്റൌട്ടുകള്‍/സി.ഡികള്‍ വല്ലതും വിതരണം ചെയ്യണമെന്നുണ്ടെങ്കില്‍ അത് തയാറാക്കണം.

ഭക്ഷണകാര്യം എനിക്ക് വിട്ടു തരൂ. ഞാന്‍ ഖജാന്‍ജികളെ കൂടെ കൂട്ടി അത് ശരിയാക്കിക്കോളാം.

കഴിഞ്ഞ തവണ എന്തൊക്കെ വിട്ടുപോയെന്ന് പങ്കെടുത്തവര്‍ പറയണം. എല്ലാവരുടെയും അഭിപ്രായങ്ങളും നിര്‍ദ്ദേശങ്ങളും വേണം. ഇത്തവണത്തെ മീറ്റ് എന്നും ഓര്‍മ്മിക്കത്തക്കതാക്കണം.

ഇങ്ങോട്ടുള്ള (ബാരക്കുടയിലേക്കുള്ള) റൂട്ട് മാപ്പ് ദാ ഇവിടെ പി.ഡി.എഫ് രൂപത്തില്‍ ഉണ്ട്.

കഴിയുന്ന എല്ലാവരേയും നേരിട്ട് തന്നെ വിളിക്കാം. ഞാന്‍ വിളിക്കുന്നതും കാത്തിരിക്കാ‍തെ എന്നെ ഇങ്ങോട്ടും എല്ലാവര്‍ക്കും വിളിക്കാം. എന്റെ മൊബൈല്‍ നമ്പര്‍ 3095694.

ഒരിക്കല്‍ പറഞ്ഞത് ഞാന്‍ ആവര്‍ത്തിക്കുകയാണ് : യു.ഏ.ഈയിലെ ബൂലോഗരുടെ പേരും മൊബൈല്‍ നമ്പരും ഈ-മെയില്‍ അഡ്രസ്സും അടങ്ങുന്ന ഒരു ഗൂഗിള്‍ സ്പ്രെഡ്ഷീറ്റ് ഞാന്‍ തയാറാ‍ക്കീട്ടുണ്ട്. പലരും അത് കണ്ടുകാണും. അതിന്റെ ലിങ്ക് പോസ്റ്റ് ചെയ്യല്‍ നടക്കില്ല. യൂ.ഏ.ഈയിലുള്ള സകല മലയാളം ബ്ലോഗറുമ്മാര്‍ക്കും അക്സസ്സ് ചെയ്യാ‍നും എഡിറ്റ് ചെയ്യാനും വേണ്ടി ഞാന്‍ അതിലേക്ക് ഇന്‍‌വിറ്റേഷന്‍ അയക്കാം. അതില്‍ അക്സസ്സ് ഇല്ലാത്തവര്‍ ദയവായി മൊബൈല്‍ നമ്പറും ഈ-മെയില്‍ അഡ്രസ്സും കമന്റായി പോസ്റ്റ് ചെയ്യണമെന്ന് ഞാന്‍ അപേക്ഷിക്കുന്നു. ഞാന്‍ ഇന്‍‌വിറ്റേഷന്‍ അയക്കാം.

സ്നേഹപൂര്‍വ്വം
സ്വന്തം
കലേഷ്

Sunday, October 22, 2006

ബാരക്കുട എങ്കില്‍ ബാരക്കുട!

ദില്‍ബാനന്ദന്‍/അനിലേട്ടന്‍/രാജ് പ്രൊപ്പോസ് ചെയ്തതുപോലെ “കലേഷാശ്രമമായ“ ബാരക്കുടയില്‍ വച്ച് തന്നെ ആകട്ടെ അടുത്ത ബൂലോഗ സംഗമം!

ബാരക്കുടയെക്കുറിച്ച് അറിയാത്തവര്‍ക്കു വേണ്ടി: ബാരക്കുട റിസോര്‍ട്ട് ഇമറാത്തില്‍ ഉം അല്‍ കുവൈന്‍ എന്ന എമിരേറ്റിലാണ് സ്ഥിതി ചെയ്യുന്നത്. ദുബൈ-ഷാര്‍ജ്ജ-അജ്‌മാന്‍ വഴി റാസ് അല്‍ ഖൈമയ്ക്ക് പോകുന്ന ഹൈവേ ആയ അല്‍ ഇത്തിഹാദ് റോഡില് ഉം അല്‍ കുവൈന്‍ മെയിന്‍ റൌണ്ട് എബൌട്ട് (ഗാവാ ചൌക്ക്) കഴിഞ്ഞ് നേരെ റാസ് അല്‍ ഖൈമയ്ക്ക് പോകുമ്പോള്‍ ഡ്രീംലാന്റ് അക്വാ പാര്‍ക്കിന്റെയും ഉം അല്‍ കുവൈന്‍ ഫ്ലൈയിംഗ് ക്ലബ്ബിന്റെയും മധ്യേയാണ് ബാരക്കുട ബീച്ച് റിസോര്‍ട്ട്.

ബാരക്കുടയുടെ ഗൂഗിള്‍ ഏര്‍ത്ത് പടം ദാ ഇവിടെയുണ്ട്.

ഉം അല്‍ കുവൈനിനെക്കുറിച്ച് കൂടുതല്‍ ദാ ഇവിടെയും ഇവിടെയും.

ബീച്ച് റിസോര്‍ട്ട് എന്നു പറഞ്ഞ് ജുമൈറയിലെ പോലെ ഒരു ബീച്ചും പ്രതീക്ഷിച്ച് ആരും ഇങ്ങോട്ട് വരണ്ട. ബീച്ചില്ലേ എന്ന് ചോദിച്ചാല്‍ ഉണ്ട് -മണ്ണിട്ട് നികത്തി ഉണ്ടാക്കിയ ഒരു ആര്‍ട്ടിഫിഷ്യല്‍ ബീച്ച് - 72000 ചതുരശ്ര അടി വിസ്തീര്‍ണ്ണമുണ്ട്. ഒരു ബാക്ക് വാട്ടര്‍ ലഗൂണിന്റെ കരയ്ക്കാണ് ബാരക്കുട സ്ഥിതി ചെയ്യുന്നത്. അതുകൊണ്ട് കടലില്‍ ഇറങ്ങല്‍ നടക്കില്ല.

ബാരക്കുടയെന്ന് കേട്ടാല്‍ പെണ്ണുങ്ങള്‍ക്ക് വരാന്‍ പ്രശ്നമുണ്ടോ എന്നൊക്കെ ആളുകള്‍ ചോദിക്കും - ഈ ചോദിക്കുന്ന ആളുകള്‍ ബാരക്കുടയില്‍ വന്നിട്ടുണ്ടാകില്ല. അല്ലേല്‍ ബാരക്കുടയിലെ കള്ള് ഷോപ്പില്‍ വന്ന് കള്ളും മേടിച്ച് പോയിട്ടുണ്ടാകും.അല്ലേല്‍ ബാരക്കുടയെക്കുറിച്ച് പറഞ്ഞ് കേട്ടുള്ള അറിവേ ഉണ്ടാകൂ. ബാരക്കുടയുടെ ഹോട്ടല്‍ ഡിവിഷനെക്കുറിച്ച് യാതൊന്നും അറിയാതെയാണവര്‍ ആ ചോദ്യം ചോദിക്കുന്നത്. ഇവിടെ ഓപ്പണെയര്‍ ബാറൊന്നും അല്ല. കള്ള് മേടിക്കാന്‍ വരുന്നവര്‍ കള്ളും മേടിച്ചോണ്ട് അവരുടെ വഴിക്ക് പോകും. ലിക്കര്‍ ഷോപ്പ് ബാരക്കുടയുടെ ഒരറ്റത്താണ്. യാതൊരു ശല്യവും ഇല്ല. ബാരക്കുടയുടെ ലിക്കര്‍ റീറ്റെയില്‍ ഔട്ട്‌ലെറ്റിന്റെ വളരെ വിശാലമായ ക്യാമ്പസില്‍ 52 വിവിധതരം മുറികളും വില്ലകളും ഉള്ള പ്രൊഫഷണലായി നടത്തപ്പെടുന്ന ഒരു റിസോര്‍ട്ട് ഉണ്ട്, അതിന്റെ കൂടെ ഒരു മള്‍ട്ടി-ക്യുസീന്‍ റെസ്റ്റോറന്റും 2-3 ഔട്ട്‌ലെറ്റുകളും ഉണ്ട്. ബാച്ചിലേഴ്‌സിന് വീക്കെന്‍ഡുകളില്‍ റൂമുകള്‍ കൊടുക്കില്ലെന്നത് റിസോര്‍ട്ടിന്റെ ഒരു പോളിസിയും കൂടെയാണ്. ഇവിടെ വല്യ പാര്‍ട്ടികളും ഗെറ്റ് റ്റുഗദറുകളും കോള്‍ഫറന്‍സുകളും പ്രൊഡക്റ്റ് പ്രസന്റേഷന്‍ ലോഞ്ചുകളും ടീംബില്‍ഡിംഗ് ഇവന്റുകളും പ്രസ്സ് കോണ്‍ഫറന്‍സുകളും മറ്റ് ഫംക്ഷനുകളും ഒക്കെ നടക്കാറുണ്ട്.

നമ്മുടെ ഗെറ്റ് റ്റുഗദര്‍ കൂടാനുദ്ദേശിക്കുന്നത് “ഒയാസിസ്“ എന്ന് പേരുള്ള ഓപ്പണെയര്‍ ഈറ്ററിയിലാ‍ണ് - ലഗൂണിന്റെ കരയിലുള്ള ഒരു പുല്‍തകിടിയാണ് “ഒയാസിസ്”. അത് മൊത്തമായി നമ്മുക്ക് വിട്ടുതരും. അതിനോടൊപ്പം ഒയാസിസ്സിനോട് ചേര്‍ന്നുള്ള ഒരു ഹാളും (ഇന്ത്യന്‍ നൈറ്റ് ക്ലബ്ബ്) നമ്മുക്കായി വിട്ടുതരും. ഹാളിന്റെ പുറകില്‍ ഒരു മുറിയുണ്ട്. അവിടെ ബാര്‍ കൌണ്ടര്‍ സെറ്റ് ചെയ്യാം. ഹാളില്‍ സൌണ്ട് സിസ്റ്റം ഉണ്ട്. സെമിനാറും, പാട്ടും, മറ്റ് കലാപരിപാടികളും ഹാളില്‍ അറേഞ്ച് ചെയ്യാം.

എഫ്&ബി മാനേജരുമായി ഞാന്‍ സംസാരിച്ചിരുന്നു. നവംബര്‍ 3 ന് വേറെ പാര്‍ട്ടികള്‍ വെന്യൂ ബുക്ക് ചെയ്തിട്ടുള്ളത് കാരണമാണ് നവംബര്‍ 10ന് ആക്കാമെന്ന് കരുതിയത്. നവംബര്‍ 10 വെള്ളിയാഴ്ച്ചയാണ്. ഹാള്‍ വൈകിട്ട് 6 മണിക്ക് തിരികെ കൊടുക്കണം. രാവിലെ തൊട്ട് വൈകിട്ട് വരെ സമയമുണ്ട്. എങ്ങനെ ഇവന്റ്സ് പ്ലാന്‍ ചെയ്യണമെന്ന് വിശദമായി ആലോചിക്കാം. വെന്യൂ ഞാന്‍ ടെന്റേറ്റീവായി ബ്ലോക്ക് ചെയ്തിട്ടുണ്ട്.

ഇന്നു തൊട്ട് ഈദിന്റെ തിരക്കാണ്. ഇന്നു തൊട്ട് ഒരാഴ്ച്ചത്തേക്ക് ഹോട്ടല്‍ ബാക്ക്‍-ടു-ബാക്ക് ഫുള്‍ ആണ്. നല്ല ബിസി! നിങ്ങളൊക്കെ അവധി അടിച്ചു പൊളിക്കുമ്പോള്‍ ഞാന്‍ ഗസ്റ്റുകളുടെ വായിന്ന് മുട്ടന്‍ തെറിയും കേട്ട് ഒന്നും തിരിച്ച് പറയാനാകാതെ തലയും കുലുക്കി ചിരിച്ചോണ്ട് നില്‍ക്കുകയായിരിക്കും!

മെന്യൂ പ്ലാനിംഗും മറ്റും 25ന് ശേഷം പോരേ? എല്ലാവരെയും നേരിട്ട് വിളിച്ച് ഇതൊക്കെ പറഞ്ഞാല്‍ കൊള്ളാമെന്നുണ്ടായിരുന്നു - പക്ഷേ, അല്പം ബിസിയായി പോയി!

എന്തൊക്കെ ഈവന്റ്സ് വേണമെന്ന് എല്ലാവരും കൂടി പ്ലാന്‍ ചെയ്യ്. വടംവലി വേണമെന്ന് വല്യമ്മായി പറഞ്ഞതോര്‍ക്കുന്നു (വടത്തിനെവിടെ പോകും?)

എല്ലാം യൂ.ഏ.ഈ ബ്ലോഗന്മാരുടെയും ബ്ലോഗിനികളുടെയും ഒരു ഗൂഗിള്‍ സ്പ്രെഡ് ഷീറ്റ് ഉണ്ടാക്കീട്ടുണ്ട്. അതില്‍ പേര് ഇല്ലാത്തവര്‍ ദയവായി അവരുടെ മൊബൈല്‍ നമ്പറും ഈ-മെയില്‍ അഡ്രസ്സും ബ്ലോഗിന്റെ പേരും കമന്റായിട്ടിട്ടാല്‍ ഞാന്‍ ആ സ്പ്രെഡ് ഷീറ്റിലോട്ട് ഇന്‍‌വിറ്റേഷന്‍ അയക്കാം.

എന്റെ മൊബൈല്‍ നമ്പര്‍ 3095694. എന്നെ ആരേലും വിളിക്കുന്നുണ്ടേല്‍ വൈകിട്ട് നാലുമണിക്ക് ശേഷം മാത്രം വിളിക്കണമെന്ന് അപേക്ഷിക്കുന്നു. (അഹങ്കാരമായിട്ട് കാണല്ലേ പ്ലീസ്. തിരക്കുകൊണ്ടാ)

ഇതിന്റെ മറുപടി കമന്റുകളായി എല്ല്ലാരുമൊന്ന് ഹാജര്‍ വച്ചാല്‍ നന്നായിരുന്നു. എത്ര പേര്‍ വരുമെന്നൊരു ഐഡിയയും വേണം. uaemeet ബ്ലോഗില്‍ അംഗത്വമില്ലാത്തവര്‍ പറഞ്ഞാല്‍ അവര്‍ക്ക് അംഗത്വം കൊടുക്കുന്നതായിരിക്കും - അത് അനിലേട്ടനും ദില്‍ബാനന്ദനും ഏല്‍ക്കണമെന്ന് ഞാനപേക്ഷിക്കുന്നു.

ബാരക്കൂഡയില്‍ കൂടാം

ശ്രീ.കുറുമാന്‍ അവര്‍കള്‍ എറ്റെടുത്ത ഈ മീറ്റ് നമുക്ക് ഉമ്മല്‍ ക്വൈന്‍ ‘ബാരക്കൂഡ’യില്‍ വെച്ച് നടത്താം. എല്ലാ സൌകര്യങ്ങളും കലേഷേട്ടന്‍ വാഗ്ദാനം ചെയ്തിട്ടുണ്ട്. സ്ഥലം ഉടന്‍ ബുക്ക് ചെയ്യാം. ഒരാഴ്ച സമയം കിട്ടുകയാണെങ്കില്‍ എല്ലാം ഭംഗിയായി നടത്താമെന്ന് മാത്രമല്ല ഈ ആഴ്ച സ്ഥലത്തില്ലാത്ത പല ബ്ലോഗേഴ്സിനും അത് സൌകര്യമാവും എന്നുമാണ് അറിയാന്‍ കഴിഞ്ഞത്. ഈ വെള്ളിയാഴ്ചത്തെ തെരക്കും ഒഴിവാക്കാം.

ഇന്നലെ ഞാന്‍ ഫോണില്‍ ബന്ധപ്പെട്ട എല്ലാവര്‍ക്കും ഈ വെന്യു സമ്മതമായിരുന്നു എന്നത് കൂടി കണക്കില്‍ എടുത്താല്‍ ഈ ബന്ധം നമുക്കങ്ങോട്ട് ഉറപ്പിച്ചൂടെ കാര്‍ന്നോമ്മാരേ? തീയതി നമുക്ക് ചര്‍ച്ച ചെയ്ത് തീരുന്മാനിക്കാം. അടുത്ത വെള്ളിയാഴ്ച അതായത് 3/11/2006 ഞാന്‍ മുന്നോട്ട് വെയ്ക്കുന്നു. അഭിപ്രായങ്ങള്‍ എല്ലാവരും കമന്റായി അറിയിക്കുമല്ലോ? കലേഷേട്ടന്റെ കമന്റിനായി കാതോര്‍ക്കുന്നു.

Saturday, October 21, 2006

യു എ ഇ സംഗമം -2006 ഒക്റ്റോബര്‍ - 27

പ്രിയ ബൂലോകരെ,

ആരും ഇനീഷ്യെറ്റീവ് എടുക്കാതിരിക്കുന്ന ഈ അവസരത്തില്‍, കലേഷ് ഭായിക്ക് പകരമായി ഞാന്‍ തന്നെ മുന്നോട്ടിറങ്ങുന്നു.

വരുന്ന 27-ആം തിയതി, വെള്ളിയാഴ്ച, ദുബായിലെ, സബീല്‍ പാര്‍ക്കിലോ, മംസാര്‍ പാര്‍ക്കിലോ വച്ച് യു എ എ ബൂലോകസംഗമം നടത്തുവാന്‍ തീരുമാനിച്ചിരിക്കുന്നു.

ഇബ്രുവൂം, ഇത്തിരിവട്ടവും, പെരിങ്ങോടനും, ഇതിന് സപ്പോര്‍ട്ട് ചാറ്റ് വഴി ചെയ്തു കഴിഞ്ഞിരിക്കുന്നു. ദേവേട്ടനോട് പെര്‍മിഷന്‍ ചോദിച്ചു കഴിഞ്ഞു, ഇനി ഉത്തരം കിട്ടാന്‍ വെയ്റ്റ് ചെയ്യുന്നു.

രാവിലെ പതിനൊന്നു മുതല്‍ വൈകുന്നേരം അഞ്ച് മണി വരെയാണ് മീറ്റ് പ്ലാന്‍ ചെയ്തിരിക്കുന്നത്.

ഒരു ബാര്‍ ബേ ക്യൂ മീറ്റാണ് എന്റെ സജഷന്‍. വെജിറ്റബിള്‍ ആന്റ് നോണ്‍വെജിറ്റേറിയന്‍ (അതുല്യേച്ചിക്ക് വേണ്ടി).
പങ്കെടുക്കുന്ന എല്ലാവരും, കുറച്ചു ബാര്‍ ബേ ക്യൂവിനുള്ള ഐറ്റംസ് കൊണ്ടു വന്നാല്‍ സംഭവം ക്ലീന്‍.
അഭിപ്രായം പറയൂ........

എന്നെ ഫോണ്‍ വിളിച്ച് പറഞ്ഞാല്‍ പങ്കാളികളുടെ എണ്ണം അറിയാം.

050-7868069
നന്ദി

ഈ യൂയേയി ക്കാരൊക്കെ എവിടെ..?

പ്രിയ യൂയേയീ ബൂലോഗ പുലി.പുപ്പുലി,എലി,കൊതുക്‌,മൂട്ട....കളെ,

നമ്മടെ(?)രണ്ടാം മീറ്റെന്തായി...?എല്ലാരും മറന്നോ?ആരും ഇപ്പൊ അതേക്കുറിച്ചൊന്നും മിണ്ടേം പറേം ചെയ്യണില്ല്യ.അതോണ്ട്‌ ചോയിച്ചതാ..
നമ്മളല്ലേ ഈദ്‌ കഴിഞ്ഞ്‌ ആദ്യ വെള്ളിയാഴ്ച കൂടാന്ന് പറഞ്ഞീന്നത്‌.?ഇതിപ്പോ,സമയം അടുത്തുവന്നല്ലോ..(എന്റെതല്ല,മീറ്റിന്റെ കാര്യാ പറഞ്ഞെ)

ഇത്തിരിവെട്ടം...പൂയ്‌,എവടെ..?തല്‍ക്കാലം നമ്മടെ പോക്കരിനെ വല്ല മീന്‍ കച്ചോടത്തിനോ അല്ലെങ്കി പെരുന്നാമാസം കാണാനോ പറഞ്ഞയച്ചിട്ട്‌ ഇതൊന്ന് തട്ടിക്കൂട്ട്‌.ഇങ്ങളല്ലേ ഇക്കാര്യം ഇന്നാള്‍ ഇബടെ പറഞ്ഞ്‌ എല്ലാരേം മോയിപ്പിച്ചത്‌..?

ബ്ലോഗ്‌ രത്നം കലേഷേട്ടാ,എബടേ..?ഇങ്ങളെ ഞമ്മള്‍ ബുദ്ധിമുട്ടിക്കല്ലാ..ന്നാലും,തെരക്കും പ്രശ്നങ്ങളുമൊക്കെ ഒന്നടങ്ങീട്ടുണ്ടെങ്കി ഇങ്ങളൊന്ന് ഉശാറാവിന്‍.ഇങ്ങളല്ലേ,ഓര്‍ഗനൈസിംഗ്‌ കമ്മറ്റി തലവന്‍.?

ഡ്രിസ്സിലേ,അനിലേട്ടാ,ദേവേട്ടാ,കുറുമേട്ടാ,എന്താ എല്ലാരും മിണ്ടാണ്ടിരിക്കണേ..?ഇങ്ങളൊക്കെയല്ലേ ഒന്നാം മീറ്റ്‌ ഒരൊന്നൊന്നര മീറ്റാക്കിയത്‌?എല്ലാരും ഒന്നുകൂടെ ഉശാറായേ..എന്നാ ഞമ്മക്ക്‌ ഈ രണ്ടാം മീറ്റ്‌ ഒരു രണ്ട്‌-രണ്ടേ മുക്കാല്‍ മീറ്റാക്കാം.

അല്ല,കലേഷേട്ടാ,ഒരു തംസയം.?ഈ യൂയേയി ബൂലോഗത്ത്‌ ആകെ എത്ര ബ്ലോഗര്‍-ബ്ലോഗിനിമാരുണ്ട്‌?ഒന്നാം മീറ്റിന്റെ പോട്ടത്തില്‍ കണ്ട തലകള്‍ 32.പിന്നീം ഒരുപാട്‌ തലകള്‍ ഇവിടെ ഉദയം ചെയ്തീലേ.?ഇങ്ങളിണ്ടാക്കിയ ഇമറാത്തിലെ ബൂലോഗ ഡയറക്ടറീല്‍ 32 പേരേ കാണുന്നുള്ളൂ.ബാക്കീള്ളവരൊക്കെ എബടെപ്പോയി?നമ്മടെ ഇത്തിരിവെട്ടം,ഏറനാടന്‍,അത്തിക്കുര്‍ശ്ശി,ഇടങ്ങള്‍,പുഞ്ചിരി...തുടങ്ങിയ മറ്റ്‌ ഇമാറാത്ത്‌ പുലികളൊന്നും ലിസ്റ്റില്‍ കയറിക്കൂടാത്തതെന്തേ?ഡയറക്ടറി പരിസ്കരിക്കാന്‍ സമയമായി,കലേഷേട്ടാ.

ആ..അപ്പോ,എല്ലാരും ഒന്ന് ഉശാറായേ.റെഡി..അ ഒന്ന്,അ രണ്ട്‌,അ മൂന്ന്,അ നാലു..അ മൂസിക്ക്ട്ടേ...(വീയെം കുട്ടിയോട്‌ കടപ്പാട്‌)
(ഇതൊക്കെ പറയാന്‍ ഇവനാരെടാ എന്നാകും,അല്ലെ?ഒന്നാം മീറ്റിനെക്കുറിച്ച്‌ വായിച്ചുമാത്രമറിഞ്ഞ,രണ്ടാം മീറ്റിനു കാത്തിരിക്കുന്ന ഒരു പാവം"സുണ്ടെലി")

Sunday, October 15, 2006

വെറും ചാറ്റുമതിയോ... നമുക്ക് ഒന്ന് മീറ്റണ്ടേ... ?

പ്രിയ യു. യെ. ഇ ബൂലോഗരേ... കഴിഞ്ഞ മാസം നാം പ്ലാന്‍ ചെയ്ത ഇഫ്താര്‍ മീറ്റ് പലകാരണങ്ങളാല്‍ നടക്കാതെ പോയി. എങ്കിലും നമുക്ക് ഒന്ന് മീറ്റണ്ടേ... ഈ ഈദിനായാലോ... ?

അടുത്ത ഞായറാഴ്ചയോ തിങ്കളാഴ്ചയോ (ഒക്ടോബര്‍ 22 / 23) ഈദ് ആയിരിക്കും. അത് കഴിഞ്ഞ് തൊട്ടടുത്ത വെള്ളിയാഴ്ച ഒന്ന് മീറ്റിയാലോ... ?

കലേഷ്ഭായ്,ദേവേട്ടാ,അനിലേട്ടാ,വിശാല്‍ജീ, ഡ്രസില്‍,ഇബ്രൂ,കണ്ണൂസ് മാഷേ,ഗന്ധര്‍വ്വരേ,അതുല്യ ചേച്ചീ,സാക്ഷി,ചന്തുവേ, ദില്‍ബാ,വല്യമ്മായീ,അഗ്രജാ,കരിംഭായ്,തറവാടി,സങ്കുചിതഗുരോ,സമീഹേ, ഇടിവാള്‍ജീ,പെരിങ്ങോടരേ, സിദ്ധാര്‍ത്ഥന്‍‌ജീ, കുറുജീ, പട്ടേരിമാഷേ, അത്തികുര്‍ശ്ശിമഷേ, മിന്നമിനുങ്ങേ... മറ്റ് എല്ലാ യു യേ ഇ യിലെ ബൂലോഗരേ... എല്ലാവരും ഒന്ന് ഉത്സാഹിച്ചേ... നമുക്ക് മീറ്റ് ഗംഭീരമാക്കാം.

എന്റെ ചില അഭിപ്രായങ്ങള്‍ :
തിയ്യതി ഈദ് ദിവസങ്ങളിലായാല്‍ ചിലര്‍ക്കെങ്കിലും പങ്കെടുക്കാന്‍ ബുദ്ധിമുട്ട് ഉണ്ടാവാന്‍ സാധ്യതയുണ്ട്. അത് കൊണ്ട് ഒക്ടോബര്‍ 27 വെള്ളി നന്നാവും എന്ന് തോന്നുന്നു.

സ്ഥലം : എല്ലാവര്‍ക്കും എത്തിചേരാനാവുന്നതും പാര്‍ക്കിംഗ് സൌകര്യമുള്ളതുമായ സ്ഥലം തിരഞ്ഞെടുത്താല്‍ നന്നായിരിക്കും.

ഇനി എല്ലാവരുടെയും വിലയേറിയ അഭിപ്രായങ്ങള്‍ വരട്ടേ...

Saturday, October 14, 2006

മീറ്റല്ല, വെറും ചാറ്റ്

മുരളീധരന്‍ ചെയ്തപോലെ ഗ്രൂപ്പു രഹസ്യയോഗം വിളിച്ചു കൂട്ടിയതല്ലേ. ആകസ്മികമായി കുറച്ചുപേരു കണ്ടുമുട്ടിയതാ.